Water

Waterverbruuk word de Mengte an Water nöömt, de de Minsk elke Dag upbruken deit. Daarin inrekend is dat Water, wat de Lü so even to drinken verwennen, watt to de Olldagsleven hört, so as Koken und wasken und Water, wat in de Landweertskupp, för allerlee Ambachten und Geschäften brukt word.

Drinkwater, dat is in allgemeen neet so heel völ, een Minsk drinkt in Dörsnitt so 2 Liter an de Dag. Een sall ja völ drinken, hebb ik leesd.

Un, dat mutt neet unbedingt Water wesen, ok över de Mahltieden nemmt de Liev dat Natt up. Water in Dütsland in dat biäst kontroleerde Levensmiddel överhoopt, besünners in Oostfreesland is dat gode Water verandwordelk för de Smaak van de Tee. Man ook anner Kuntreien köen sük up´d Rebett Water sehen laten: Hier, waar ik leev, kummt dat Water ut een Landskupp de van Senne heet, dat Water wat fördert word, is sessdusend Jahr old un alleen daardör freei van Schaadstoffen. Vör Jahren wurr ja diskuteert, of Hormons to Bispill van Medikamenten, dat Drinkwater fuul maken. Man, un dat is good to weeten, för 6000 Jahren gaff´t sowat noch nicht.

Dat Water word van de Wellen över de Waterwarken naar de Huushollen henpueempt un geiht hier even för de private Waterverbruuk d´rup. Avers, well in Physik uppaast hett, weet genaaau, dat Water sük up sük neet verbruken kann. Mit de Waterverbruuk is dat so een Saak: Dat kole of warme Natt komt fein ut Waterkrahn, ut de Slauch of van annerswaar un word denn weer torügg föhrt und schoon maakt. Verbrukis dat neet. Wat verbrukt word, is de Energie för dat transporteren van Water, in meest Gefallen even Stroom. Eenmaal Klo-spölen tellt överigens ruugweg teihn Liter.

In Europa word bloot 15 percent van dat Water in de Privaathusholden nütt, de gröttste Deel rinnt dör de Landweertskup und de verscheden Kraftwarken so as för Elektro und Warmte.

Över 130 Liter Water bruukt een in Dütsland an Dag. Dat is völ. To Vergliek: In Oostafrika gifft dat Landstreken, waar Minsken neet meehr as 20 Liter Water an Dag hebben. Un ook wenn dat togang to Water gifft, mutt dat neet heten, dat dit Water denn ook friesk un schoon is.

De verenden Nationen reken överigens, dat 50 Liter Water an Dag dat Minste sünd, wat en Minsk so bruken deiht.

Aus der Reihe „Up Padd in Stadt“ in ostfriesischem Plattdeutsch